पाचोरा मध्ये ट्रकचालकाकडून पैसे घेतल्याचा व्हिडिओ व्हायरल, तिघे ट्राफिक पोलीस निलंबित

ट्रकचालकाकडून पैसे घेत असल्याचा व्हिडिओ सोशल मीडियावर व्हायरल झाल्यानंतर जळगाव पोलीस अधीक्षक डॉ. महेश्वर रेड्डी यांनी तातडीने चौकशी करून पाचोरा पोलीस ठाण्यातील वाहतूक पोलीस पवन पाटील याला निलंबित केले आहे. प्राथमिक तपासात पवन पाटील याने पाचोरा-भडगाव रोडवर ट्रकचालकाकडून ५० रुपये घेतल्याचे स्पष्ट झाले. व्हिडिओमध्ये आणखी दोन पोलीस कर्मचारीही उपस्थित असल्याने त्यांची भूमिका संशयास्पद आढळून आल्यामुळे त्यांनाही निलंबित करण्यात आले. या कारवाईमुळे जिल्ह्यातील पोलीस दलात खळबळ उडाली आहे.